Answer: आयुषसुरक्षा पोर्टल
Notes: परंपरागत औषधीत ग्राहकांचे संरक्षण आणि नियमन यांना चालना देण्यासाठी आयुष मंत्रालयाने आयुषसुरक्षा पोर्टल सुरू केले आहे. केंद्रीय राज्यमंत्री श्री. प्रतापराव जाधव यांनी नवी दिल्लीत आयुष भवन येथे या पोर्टलचे उद्घाटन केले. या पोर्टलमुळे पारदर्शकता आणि सुरक्षितता सुनिश्चित होईल. नागरिक आणि व्यावसायिकांना चुकीच्या जाहिराती आणि औषधांच्या दुष्परिणामांची माहिती थेट देण्याची सुविधा मिळते. हे पोर्टल सेंट्रल कौन्सिल फॉर रिसर्च इन सिद्धा (CCRS) यांच्या सहकार्याने विकसित करण्यात आले असून राष्ट्रीय औषध निरीक्षण कार्यक्रमाशी जोडलेले आहे. हे पोर्टल राज्य परवाना प्राधिकरणे, केंद्रीय औषध मानक नियंत्रण संस्था (CDSCO), माहिती आणि प्रसारण मंत्रालय, केंद्रीय ग्राहक संरक्षण प्राधिकरण (CCPA), भारतीय पारंपरिक वैद्यक आयोग (NCISM), राष्ट्रीय होमिओपॅथी आयोग (NCH), फार्मसी कौन्सिल ऑफ इंडिया (PCI) आणि अन्न सुरक्षा व मानके प्राधिकरण (FSSAI) यांच्याशी जोडलेले आहे.
