Answer: ಸಂಚಾರ ಸಚಿವಾಲಯ
Notes: ಇತ್ತೀಚೆಗೆ ಸಂಚಾರ ಸಚಿವಾಲಯದ ಅಡಿಯಲ್ಲಿ ಕಾರ್ಯನಿರ್ವಹಿಸುತ್ತಿರುವ ಅಂಚೆ ಇಲಾಖೆ 'ನಿಮ್ಮ ಡಿಜಿಪಿನ್ ತಿಳಿಯಿರಿ' ಮತ್ತು 'ನಿಮ್ಮ ಪಿನ್ ಕೋಡ್ ತಿಳಿಯಿರಿ' ಎಂಬ ಎರಡು ಡಿಜಿಟಲ್ ವೇದಿಕೆಗಳನ್ನು ಪ್ರಾರಂಭಿಸಿದೆ. ಇದರ ಉದ್ದೇಶ ಭಾರತದ ವಿಳಾಸ ವ್ಯವಸ್ಥೆಯನ್ನು ಆಧುನಿಕಗೊಳಿಸುವುದಾಗಿದೆ. ಈ ವೇದಿಕೆಗಳು ರಾಷ್ಟ್ರೀಯ ಭೌಗೋಳಿಕ ನೀತಿ 2022ರೊಂದಿಗೆ ಹೊಂದಾಣಿಕೆಯಾಗಿವೆ ಮತ್ತು ಭೌಗೋಳಿಕ ಮೂಲಸೌಕರ್ಯ ಹಾಗೂ ಸಾರ್ವಜನಿಕ ಸೇವಾ ವಿತರಣೆಯನ್ನು ಸುಧಾರಿಸುವ ಗುರಿಯನ್ನು ಹೊಂದಿವೆ. DIGIPIN (ಡಿಜಿಟಲ್ ಪೋಸ್ಟಲ್ ಇಂಡೆಕ್ಸ್ ನಂಬರ್) ಎಂಬುದು ಜಿಯೋ ಕೋಡ್ ಮಾಡಿದ ಗ್ರಿಡ್ ಆಧಾರಿತ ಡಿಜಿಟಲ್ ವಿಳಾಸ ವ್ಯವಸ್ಥೆಯಾಗಿದ್ದು, ಇದನ್ನು ಐಐಟಿ ಹೈದ್ರಾಬಾದ್ ಮತ್ತು ISROನ ಅಡಿಯಲ್ಲಿ ಇರುವ ನ್ಯಾಷನಲ್ ರಿಮೋಟ್ ಸೆನ್ಸಿಂಗ್ ಸೆಂಟರ್ ಸಹಯೋಗದಲ್ಲಿ ಅಭಿವೃದ್ಧಿಪಡಿಸಲಾಗಿದೆ. ಈ ವ್ಯವಸ್ಥೆಯ ಮೂಲಕ ಬಳಕೆದಾರರು ಸ್ಥಳದ ನಿರ್ದಿಷ್ಟ ಅಕ್ಷಾಂಶ ರೇಖಾಂಶಗಳನ್ನು ಬಳಸಿಕೊಂಡು ಡಿಜಿಟಲ್ ವಿಳಾಸವನ್ನು ಪತ್ತೆಹಚ್ಚಬಹುದು. ಇದು ವಿತರಣೆ, ತುರ್ತು ಸೇವೆಗಳು ಹಾಗೂ ಲಾಜಿಸ್ಟಿಕ್ಸ್ ಕ್ಷೇತ್ರಗಳಲ್ಲಿ ಪರಿಣಾಮಕಾರಿತ್ವವನ್ನು ಹೆಚ್ಚಿಸುತ್ತದೆ. Know Your PIN Code ಎಂಬ ಆ್ಯಪ್ ಬಳಕೆದಾರರ ಸ್ಥಳವನ್ನು ಆಧರಿಸಿ ನಿಖರವಾದ ಪಿನ್ ಕೋಡ್ ಗುರುತಿಸಲು ಜಿಎನ್ಎಸ್ಸೆಸ್ ತಂತ್ರಜ್ಞಾನವನ್ನು ಬಳಸುತ್ತದೆ. ಈಗ ಈ ಜಿಯೋ ಫೆನ್ಸ್ ಮಾಡಿದ ಡೇಟಾಸೆಟ್ ಓಪನ್ ಗವರ್ನಮೆಂಟ್ ಡೇಟಾ ಪ್ಲಾಟ್ಫಾರ್ಮ್ನಲ್ಲಿ ಅಪ್ಲೋಡ್ ಮಾಡಲಾಗಿದೆ ಮತ್ತು ಬಳಕೆದಾರರು ತಮ್ಮ ಪ್ರತಿಕ್ರಿಯೆ ನೀಡುವ ಮೂಲಕ ಪಿನ್ ಕೋಡ್ ನಿಖರತೆಯನ್ನು ಇನ್ನಷ್ಟು ಸುಧಾರಿಸಲು ಸಹಾಯ ಮಾಡಬಹುದು.
