Q. ರಾಷ್ಟ್ರೀಯ ಮಹಾಸಾಗರ ಮತ್ತು ವಾತಾವರಣ ಆಡಳಿತ ಸಂಸ್ಥೆ (NOAA)ಯ ಮುಖ್ಯ ಕಚೇರಿ ಎಲ್ಲಿದೆ?
Answer: ವಾಷಿಂಗ್ಟನ್ ಡಿ.ಸಿ.
Notes: ಅಮೆರಿಕದ ವಾಣಿಜ್ಯ ಇಲಾಖೆಯಡಿಯಲ್ಲಿ ಕಾರ್ಯನಿರ್ವಹಿಸುವ ರಾಷ್ಟ್ರೀಯ ಮಹಾಸಾಗರ ಮತ್ತು ವಾತಾವರಣ ಆಡಳಿತ ಸಂಸ್ಥೆ (NOAA) 1970ರಲ್ಲಿ ಸ್ಥಾಪಿತವಾಯಿತು. ಇದು ಸಮುದ್ರ, ವಾತಾವರಣ ಮತ್ತು ಕರಾವಳಿ ಪ್ರದೇಶಗಳ ಅಧ್ಯಯನಕ್ಕೆ ಸಂಬಂಧಿಸಿದ ಸಂಸ್ಥೆಯಾಗಿದ್ದು ಇದರ ಮುಖ್ಯ ಕಚೇರಿ ವಾಷಿಂಗ್ಟನ್ ಡಿ.ಸಿಯಲ್ಲಿ ಇದೆ. ಇತ್ತೀಚೆಗೆ NOAA ಹವಾಮಾನ ಬದಲಾವಣೆಗೆ ಸಂಬಂಧಿಸಿದ ಪ್ರವಾಹ, ಕಾಡ್ಗಿಚ್ಚು, ಚಂಡಮಾರುತ ಮತ್ತು ಉಷ್ಣತೆಯ ಅಲೆಗಳಂತಹ ಪ್ರಕೃತಿ ವಿಕೋಪಗಳಿಂದ ಉಂಟಾಗುವ ಆರ್ಥಿಕ ನಷ್ಟಗಳ ಮಾಹಿತಿಯನ್ನು ಸಂಗ್ರಹಿಸುವ ತನ್ನ ಪ್ರಮುಖ ಡೇಟಾಬೇಸ್ ಅನ್ನು ನವೀಕರಿಸುವುದನ್ನು ನಿಲ್ಲಿಸುವುದಾಗಿ ಘೋಷಿಸಿದೆ. ಈ ಡೇಟಾಬೇಸ್ ಅಮೆರಿಕದ ತೀವ್ರ ಹವಾಮಾನ ಘಟನೆಗಳಿಂದ ಉಂಟಾಗುವ ಆರ್ಥಿಕ ಪರಿಣಾಮಗಳನ್ನು ಅರ್ಥಮಾಡಿಕೊಳ್ಳಲು ವ್ಯಾಪಕವಾಗಿ ಬಳಸಲಾಗುತ್ತಿತ್ತು. ಜೊತೆಗೆ NOAA 2011ರ ಜಪಾನ್‌ನ ಸೆಂಡೈ ಭೂಕಂಪದ ನಂತರ ಸಂಭವಿಸಿದ ಪೆಸಿಫಿಕ್ ಸುನಾಮಿಗೆ ಸಂಬಂಧಿಸಿದಂತೆ ಮಹತ್ವದ ಘಟನೆಗಳನ್ನು ನಕ್ಷೆಗೊಳಿಸಲು ಬಳಸಿದ ಸುನಾಮಿ ಅಲೆ ಎತ್ತರ ಮಾದರಿಯಂತಹ ಸಾಧನಗಳನ್ನು ಸಹ ಅಭಿವೃದ್ಧಿಪಡಿಸಿದೆ.