Q. ವಿಶ್ವಸಂಸ್ಥೆಯ ಜಾಗತಿಕ ರಸ್ತೆ ಸುರಕ್ಷತಾ ವಾರ (UNGRSW) ಎಂಬುದು ಪ್ರತಿ ಎರಡು ವರ್ಷಕ್ಕೊಮ್ಮೆ ನಡೆಯುವ ಜಾಗತಿಕ ರಸ್ತೆ ಸುರಕ್ಷತಾ ಅಭಿಯಾನ. ಇದನ್ನು ಯಾವ ಸಂಸ್ಥೆ ಆಯೋಜಿಸುತ್ತದೆ?
Answer: ವಿಶ್ವ ಆರೋಗ್ಯ ಸಂಸ್ಥೆ
Notes: 8ನೇ ಯುನೈಟೆಡ್ ನೇಷನ್ಸ್ (UN) ಗ್ಲೋಬಲ್ ರೋಡ್ ಸೆಫ್ಟಿ ವೀಕ್ ಅನ್ನು 2025ರ ಮೇ 12ರಿಂದ 18ರವರೆಗೆ ಆಚರಿಸಲಾಗುತ್ತದೆ. ಈ ಬಾರಿ "ಸುರಕ್ಷಿತವಾಗಿ ನಡೆಯುವಂತೆ ಮಾಡಿ" ಮತ್ತು "ಸುರಕ್ಷಿತವಾಗಿ ಸೈಕ್ಲಿಂಗ್ ಮಾಡಿ" ಎಂಬ ಥೀಮ್‌ನ್ನು ಹೊಂದಿದೆ. ವಿಶ್ವಸಂಸ್ಥೆಯ ಜಾಗತಿಕ ರಸ್ತೆ ಸುರಕ್ಷತಾ ವಾರ (UNGRSW) ಎಂಬುದು ವಿಶ್ವ ಆರೋಗ್ಯ ಸಂಸ್ಥೆ (WHO) ಮತ್ತು ಅದರ ಪಾಲುದಾರ ಸಂಸ್ಥೆಗಳ ಸಹಯೋಗದಲ್ಲಿ ಆಯೋಜಿಸಲಾಗುವ ಪ್ರತಿ ಎರಡು ವರ್ಷಕ್ಕೊಮ್ಮೆ ನಡೆಯುವ ಜಾಗತಿಕ ರಸ್ತೆ ಸುರಕ್ಷತಾ ಅಭಿಯಾನವಾಗಿದೆ. ಇದರ ಉದ್ದೇಶ ಪಾದಚಾರಿಗಳು ಮತ್ತು ಸೈಕಲ್ ಸವಾರರಿಗೆ ಸುರಕ್ಷಿತ ರಸ್ತೆಗಳ ಅಗತ್ಯತೆಯನ್ನು ಒತ್ತಿ ಹೇಳುವುದು. ಈ ಅಭಿಯಾನವು ನಗರಗಳಲ್ಲಿ ನಡೆಯುವ ಮತ್ತು ಸೈಕಲ್ ಓಡಿಸುವಂತಹ ಚಟುವಟಿಕೆಗಳಿಗೆ ಅನುಕೂಲವಾಗುವ ಸುರಕ್ಷಿತ ಮೂಲಸೌಕರ್ಯ ಮತ್ತು ಸಾರಿಗೆ ನೀತಿಗಳನ್ನು ಉತ್ತೇಜಿಸುತ್ತದೆ. ದುರ್ಬಲ ರಸ್ತೆ ಬಳಕೆದಾರರು ಎದುರಿಸುತ್ತಿರುವ ಅಪಾಯಗಳ ಬಗ್ಗೆ ಜನಜಾಗೃತಿ ಮೂಡಿಸುವುದರ ಜೊತೆಗೆ ಸರ್ಕಾರಗಳು ಕಠಿಣ ಕಾನೂನುಗಳು ಮತ್ತು ಸುಧಾರಿತ ನೀತಿಗಳನ್ನು ಜಾರಿಗೆ ತರಲೆಂದು ಪ್ರೋತ್ಸಾಹಿಸುತ್ತದೆ. ಇದರಿಂದ ರಸ್ತೆ ಅಪಘಾತಗಳು ಮತ್ತು ಸಾವುಗಳ ಸಂಖ್ಯೆಯನ್ನು ಕಡಿಮೆ ಮಾಡುವುದು ಸಾಧ್ಯವಾಗುತ್ತದೆ.